کارکن (Kaarkun) پاکستانیوں کو آن لائن، باعزت ڈیجیٹل کام دیتا ہے۔ اسے Dominion Technologies LLC چلاتی ہے، اور ٹیم ملتان، پاکستان میں ہے۔ کارکن کسی سرکاری ادارے سے وابستہ نہیں۔ رابطہ: support@kaarkun.com
ادائیگی کے اصول
رجسٹریشن اور کام ہمیشہ مفت ہیں۔ کوئی بھی فیس مانگے تو وہ کارکن نہیں۔
ہر کام کا ریٹ کام شروع کرنے سے پہلے لکھا ہوتا ہے۔ ادائیگی صرف منظور شدہ کام کی ہوتی ہے۔
جانچ عام طور پر 3 کاروباری دن میں۔ مسترد کام کی وجہ آپ کے پینل میں لکھی جاتی ہے، اور آپ اپیل کر سکتے ہیں۔
کم از کم 300 روپے ہونے پر آپ رقم نکلوانے کی درخواست دے سکتے ہیں۔ رقم آپ کے رجسٹرڈ JazzCash یا Easypaisa نمبر پر بھیجی جاتی ہے۔
دھوکہ (کسی اور کی آواز، ریکارڈ شدہ آواز چلانا، ایک سے زیادہ اکاؤنٹ) پر اکاؤنٹ بند اور رقم روکی جا سکتی ہے۔
رازداری
ہم یہ رکھتے ہیں: نام، موبائل نمبر (صرف ادائیگی اور رابطے کے لیے)، زبانیں، ضلع، عمر کا گروپ، اختیاری جنس، اور آپ کی ریکارڈنگز۔ آپ کا IP پتہ صرف ہیش (ناقابلِ واپسی کوڈ) کی شکل میں۔
ہم شناختی کارڈ نمبر نہیں مانگتے۔
کمپنیوں کو دیے جانے والے ڈیٹا میں آپ کا نام اور نمبر شامل نہیں ہوتا۔
آپ کی آواز کی نقل (کلوننگ) کبھی نہیں بنائی جائے گی جب تک آپ الگ سے تحریری اجازت نہ دیں۔
رضامندی واپس لینے کے لیے support@kaarkun.com پر لکھیں۔ آئندہ آپ کی ریکارڈنگز استعمال نہیں ہوں گی اور جو ڈیٹا ابھی کسی کو نہیں دیا گیا وہ حذف کر دیا جائے گا۔ جو ڈیٹا پہلے لائسنس ہو چکا ہو، اس کے بارے میں ہم آپ کو صاف بتائیں گے۔
ڈیٹا محفوظ سرور (Cloudflare) پر رکھا جاتا ہے اور صرف مجاز ٹیم کو رسائی ہوتی ہے۔
شرائط
صرف 18 سال یا اس سے زائد عمر کے افراد۔
آپ ایک آزاد کنٹریکٹر کے طور پر کام کرتے ہیں؛ یہ ملازمت نہیں۔
ریٹ اور کام کی دستیابی تبدیل ہو سکتی ہے؛ پہلے سے منظور شدہ کام کی ادائیگی پرانے ریٹ پر ہوگی۔